Bishii Maarso ee sanadkan, taageerayaasha
kubadda cagta ayaa si weyn u hadal-haynayay
war kasoo baxay magaalada Manchester.
Kooxda caanka ah ee Manchester United ayaa
si rasmi ah u shaacisay sawirrada iyo
qorshayaasha garoon cusub oo loo malaynayo
inuu noqon doono mid ka mid ah kuwa ugu
waaweyn adduunka, maadaama uu qaadi
doono in ka badan 100,000 kursi
Garoonkan cusub ayaa loo qorsheeyay inuu
beddelo gurigooda taariikhiga ah ee Old
Trafford, oo muddo ka badan boqol sano hoy
u ahaa kooxda iyo taageerayaasheeda. Old
Trafford waxaa lagu naanaysaa “The Theatre
of Dreams” – tiyaatarka riyooyinka – balse
United waxa ay u muuqataa in ay doonayso
inay sameyso tiyaatar ka weyn, casri ah, oo
buuxiya heerka cusub ee garoomada caalamiga ah.
Waxa xiiso gaar ah leh in naqshadda cusub ay
leedahay muuqaal la mid ah teendho circus
weyn oo leh saqaf qaloocsan, nalal casri ah iyo
meelaha loogu talagalay taageerayaasha oo
aad u ballaaran. Sawirrada hore ayaa
horseeday dood badan, qaar waxay ku
tilmaameen hal-abuurnimo, halka qaar
kalena ay u arkeen in la tirtirayo ee
taariikhda garoonkii hore eee man
Laakiin hal arrin ayaa si weyn loo hadal
hayay: mashruucan weyn ma aha mid
kaliya uu Manchester United maalge
linayo, ee waxa ku jira qorshe ah in
dowladda UK ay bixiso dhulka iyo
qayb ka mid ah kaabayaasha. Taasi
waxay dhalisay dood siyaasadeed,
iyadoo su’aalo badan la iska
weydiiyay sababta kooxda ugu taajirsan
England ay ugu baahan tahay taageero dawladeed Kooxaa reer England
Goobta loo qorsheeyay garoonkan cusub waa
dhul ay tahay in marka hore la nadiifiyo, oo
horey u ahaa meelaha warshadaha iyo
bakhaarada. Nadiifinta dhulkaas waxa la
sheegay inay ku kici karto boqolaal milyan
oo gini, taasoo sababtay in United ay u
baahan tahay taageero maaliyadeed oo ballaaran
Taageerayaasha qaar ayaa ku faraxsan riyadan
cusub, iyaga oo leh garoonkan ayaa ku soo
celin doona United heerkii ay ku lahayd
awoodda suuqa iyo magaca kubadda cagta.
Kuwo kalena waxay ka cabsanayaan in
garoonka cusub uu noqon karo mashruuc
qaata waqti dheer, kharash badanna keena,
taas oo sababi karta in kooxda ay ku
mashquusho arrimo dhaqaale halkii ay
xoogga saari lahayd garoonka dhexdiisa.
Haddii qorshahan la hirgeliyo, garoonka
cusub ee United wuxuu noqon doonaa
mid ka weyn Wembley Stadium iyo
Camp Nou-da cusub ee Barcelona,
taas oo ka dhigaysa garoonka ugu
weyn Yurub. Waxaa intaa dheer,
wuxuu ka mid noqon doonaa meelaha ugu
muhiimsan ee lagu qaban karo
ciyaaraha caalamiga ah,
bandhigyada iyo xafladaha waaweyn.
Su’aasha ugu weyn ayaa weli taagan: goorma
ayuu dhammaan doonaa? Maadaama
mashruuc sidan oo kale ah uu qaadan karo
tobanaan sano, taageerayaasha United waxa
ay qirayaan in riyadani ay noqon karto
mid aan si dhaqso ah loo arki doonin
Laakiin waxa hubaal ah, qorshahan
ayaa mar kale ka dhigay United xarunta
ugu weyn ee doodaha kubadda cagta caalamka.
Man united gorenkeda waa cadii
ReplyDelete